Mula sa paglikha nina Adan at Eba, sa buong kasaysayan, isang tunay na relihiyon na may iisang orihinal na mensahe ang paulit-ulit na ipinadala sa sangkatauhan: Maniwala sa Nag-iisang Tunay na Diyos (Allah), ang Lumikha, at sambahin lamang Siya. Upang ipaalala ito sa mga tao at ibalik sila sa tamang landas, maraming propeta at sugo kabilang sina Adan, Noe, Abraham, Moises, Hesus, at Muhammad ang isinugo ng nag-iisang tunay na Diyos upang ipahayag ang parehong mensahe at sundin ang parehong relihiyon ng Diyos. Ang lahat ng mga propetang ito ay nagturo ng parehong mensahe; kaya’t ang kanilang relihiyon ay dapat ding maging iisa!